Invito ad internaciona Ido-renkontro dum la tempo inter la 17ma til la 22ma di julio 2009 en Tallin (Estonia) kun vizito di Riga (Latvia)

Kara Ido-amiki en la tota mondo!

Per ico me volas kurte informar vi omni pri nexta projetita yarala internaciona Ido-renkontro. Pos kelka periodo di necerteso, on trovis la kompromiso pri loko e dati dil renkontro.

Por plusimpleskar tasko di projetado di via vakanci dum nexta somero, me decidis informar maxim frue.

Voluntez skribar aden via kalendarii -  la rekontro eventos en Tallinn, chefurbo di Estonia, de 17 julio a 22 julio.

Unesma versiono videsas maxim simple tale:

- 1-ma dio: arivo en Riga e libera tempo por vizitar

- 2-ma dio: matine libera tempo por vizitar e posdimeze voyajo per autobuso til Tallinn

- 3-ma dio :laboro-kunsido matine e posdimeze libera tempo por vizitar

- 4-ma dio :laboro-kunsido matine e pozdimeze libera tempo por vizitar

- 5-ma dio: libera-tempo por vizitar

- 6-ma dio: fino e departo

Ma fakte, omno povas chanjar e kompreneble, pluse info aparos. Me kredas ke ni havas suficante detaloza programo maxim tarde en februaro, tamen la dati ja

esas certa e se chanji eventos, li nur eventos entre 17esma e 22esma.

Me, kom habitanto di Tallinn, esos kompreneble la precipua organizisto, e me esforcos donar maxim posible multa info koncerne venonta konfero. Ma me anke volus esar

informita da vu pri via projeti. Se me savus maxim frue pri via certa veno, me povus plu bone organizar la hoteli, kunven-salono e cetere.

Me selektis la hotelo OldHouse por divenar la precipua loko ube partoprenani di venonta konfero tranoktos. Laboristi di hotelo esis tre amikiva e montris a me lia

hostelo e gastodomo.

Che www.oldhouse.ee trovesas informi pri ca hotelo en kelka lingui.

Malgre la hotelo es un de maxim chipa en la urbo, ol es perfekte situita - en anciena historiala centro du urbo, cirkume 5 minuti pede de placo di urbo-guvernerio, 300 metri de staciono di tramo,

1km de portuo (adube arivas la paromi de Finlandia/Suedia), kun multa restorerii ad altra loki interesiva.

La hotelo esas modesta ma suficante komfortoza, kun koqueyeto, WiFi, saloneto.

Chambri esas tre modesta, kun 2, 3, 5, o mem 6 liti. La preci diferas inter 20 a 35 Euro po lito, dependante de la quanto di liti po chambro e ka la chambro esas en la hostelo

o la gastadomo (gastadomo esas 10-15% plu chera). Kustumale la preci ne inkluzas la dejuneto, ma hotelisti promisis inkluzar lo se ni rezervas nia chambri sat frue

(komprenende, la hotelisti prizas la grupi qui venas por kelka nokti). La hotelo havas cirkume 35 liti en hostelo ed 20 liti en gastodomo, do ni forsan sucesos lojar en la hostelo.

Ma se kelka personi decidas pri sua veno tro tarde, me esas certa trovor hotelo kun simila preco proxim de OldHouse. Fakte, me mem vizitis kelka altri hoteli ed omna esas sat komfortoza.

Koncerne kunven-salono me ankore ne esas certa. Ma to esas nula problemo, pro quo ni havas tre multa posiblesi hike en Tallinn por trovar lo. Me esforcos organizar kunveno en nova kontoro di firmo

ube me laboras, e se me ne sucesos, me trovos altra loko.

Koncerne la pago di kusti di partopreno, me propozas ke ni havos la fixita preco di konfero simile kom interlinguisti kande li havas lia konfero. Lo inkluzus la chambri, la kunven-salono, la repasti,

la transferi, etc. Me certe ne ganos irga pekunio kun ica skemo, ma lo helpos a me organizar la kozi -quante plu frue, tante plu chipe- e plu interesante pro vi, se me havos kelka prepago.

Me organizos la konfero dum mea persona vakanco.

Un kozo esas certa - vi omni esas bonvenanta, ed Estoniana Idisti esforcos organizar maxim bona konfero di nova tempo :)

Kordiala saluti de Tallinn,

Johnny

Retro a la komencpagino di ULI

Retro a la komencpagino dil Germana Ido-Societo