Raporto pri l’internaciona Ido-konfero 2004 dum la tempo inter la 16esma e 23esma di julio 2004
en l' Ukrainana chefurbo Kyiv
Dum la tempo inter la 16esma e
23esma di julio 2004 eventis internaciona Ido-konfero en la repozeyo "Kosmos"
apud la vilajo Puhivka proxime a l' Ukrainana chefurbo Kyiv.
En nia konfero partoprenis Idisti veninta de:
Belarusia
Ukraina,
Germania,
Nederlando,
Chinia,
Japonia
Britania
Lituania (Ukrainano
mariajit a Lituaniano)
Polonia
La Kyivana samideani aranjis omno ecelante.
Li esis tre bona hosti, qui montris a ni l' urbo, muzei ed altra (turistala)
vidindaji. Li anke informis ni pri la problemi dil Ukrainana Idisti (kom
movemento), la chanco di suceso di Ido edc.
Ni specale deziras dankar Volodimir
Hurtovenko, nia nefatigibla guidero, Janna Reunova nia amikino qua konservis la
biblioteko di la famoza Boris Aaronov, e qua kordiale gastigis ni, e Mikaelo
Linecki, bon-humora aranjinto di la hotelo e multa exkursi.
|
|
|
|
La Idisti Janna Reunova e Volodimir Hurtovenko |
Mikaelo Linecki e Robert Carnaghan |
L' Idisti agreablege surprizesis dum
solena inauguro dil Ido-konfero da vere
bele kantanta infanto-koro, qua kantis Ido-kansoni ed altra kansoni, qui parte
esis tradukita aden Ido. Esis oficala acepto en la Kultur-domo dil firmo "ARTEM" kun expozo pri la
kolekturo de Ido-libri de Boris Aaronov, konservita da Janna Reunova, e pri "Interhelpo", qua, per Ido, fondis internaciona help-organizuro por laboristi en
Kirgizia e Chekoslovakia.
La solena inauguro per l'inicio di Janna Reunova aranjesis e subvencionesis da la chefino di Janna, siorino
Lyudmila Kozlova ye la nomo dil firmo "Vladimir Dovgan".
 |
|
 |
Pos la solena inauguro dil Ido-konfero Janna Reunova guidis ni a la tombo di
Boris Aaronov.
Ni uzis l'okaziono por honorar e konservar la memoro di la famoza Idisto pozar flori sur la tombo.
|
|
|
La kongreso atraktis multa atenco, se nur
ja pro bunta kolekturo de diversa-sorta Idisti qui singla-die Ido-babiladante
tra-iris Kyiv.
 |
|
|
 |
|
|
Ye la kongreso anke esis serioze parolata pri diversa temi
koncernante l' Ido-movemento forme di Uniono di la Linguo Internaciona, Ido. Ni
sucesis solvar multa problemi ed esperas balde prizentar la rezulti di la
diskutita temi.
L' Idisti mem experiencis mariajo-festo qua
organizesis en la sama hotelo, e konseque esis invitita tostar ye la saneso di
la mariajiti ed ube l' Idisti montris danso-stili de diversa landi (sub influo
de vodko).
 |
|
|
Plu ampla raporto venos en Progreso nr.
332.
Saluti amikala,
|
Hans Stuifbergen |
Frank Kasper | |
| prezidanto di ULI | prezidanto dil Germana Ido-Societo |
Kara amiki,
nun me skribez kelke pri la Ido-konfero, qua eventis en Kyiv.
Me venis en Kyiv mardie (13.07). Ibe ja esis Frank Kasper e Robert Carnaghan.
Dum 13ma e 14ma preske konstante pluvis, ma malgre to ni vizitis la urbo.
Exemple: la gardeno botanikala, la muzeo di Ukrainana arto. Malgre la pluvo ni
promenis en la urbo. De 15ma la vetero divenis sunoza e mem tre varma. Komencis
venar altra partoprenanti.
Solena inauguro dil renkontro esis la surprizo. Ol eventis en Kyiv en la
kulturo-domo dil fabrikerio "Artem". Nia "bazeyo" esis exter Kyiv en la
pansionato* "Kosmos". Saturdie e sundie en la sama pansionato* eventis
mariajo-festo, qua esis atraktajo ne projetita da ni. Sundie (18ma) ante dimezo
ni promenis en la foresto e vizitis vera Ukrainana vilajo. En la vilajana
merkato ni povis komprar e gustumar lokala frukti. Pos la dimezo ni vizitis
multa interesiva loki en la urbo. Maxim interesiva esis la unika koncerto dil
koro en
Andrey-kirko (maxim bela ortodoxa kirko en la urbo).
Lundie ni vizitis la muzeo di Ukrainana vilajo "Pirogovo": sur kelka hektari on
imitis diversa regioni di Ukraina per planti ed anciena ligna(prefere)
konstruaji: kabani, domi, muelili, kirki ed altra. En la restorerio, en stilo di
anciena taverno ni manjis vera Ukrainana popula dishi. Mardie (20ma) ni vizitis
kavernala monakerio "Lavra", maxim anciena monakerio di Rusia ed Ukraina.
Merkurdie (21ma) ni vizitis kelka granda kirki: Vladimir-templo, Sofia-katedralo,
Mihail-templo ed altra. Jovdie (22ma) eventis adiala festino en lojeyo di Janna
Reunova.
Dum la renkontro partopreninti havis posibleso konatesar kun originala kulturo
di Ukraina, kun historio e moderna vivo di gastema Ukrainani. Me opinionas, ke
lo esis unika posibleso, qua ne iteresos en proxima futuro.
Kordiale salutante
Vlado Yakovenko
Til rivido okazione dil Ido-konfero dum
septembro 2005 en Sud-Francia!!!
Retro a la frontispico pri Ido-konferi e -renkontri
Retro a la komencpagino dil ULI
